5 февраля по старому стилю  /  18 февраля по новому стилю

Мц. Агафии (251). Свт. Феодосия, архиеп. Черниговского (1696).

Мц. Феодулии и мчч. Елладия, Макария и Евагрия (ок. 304).

Прмч. Николая Цикуры (1918); прмц. Александры Каспаровой, мч. Михаила Амелюшкина (1942).

Елецкой-Черниговской (1060), Сицилийской, или Дивногорской (1092), и именуемой «Взыскание погибших» икон Божией Матери.

1 Ин., 72 зач., III, 10–20. Мк., 64 зач., XIV, 10–42 1.

Тропарь и кондак Сретения
(см. 2/15 февраля)
мц. Агафии
Тропарь мученицы Агафии, глас 4

Агница Твоя, Иисусе, Агафия... (см. приложение 2.11)

Кондак мученицы Агафии, глас 4:

Да украсится днесь Церковь/ порфирою славною,/ омоченою от чистых кровей/ Агафии мученицы:// радуйся, вопиющи, Катанская похвало.

Богородицы
Тропарь Божией Матери пред иконой Ее «Взыскание погибших», глас 7:

Радуйся, Благодатная Богородице Дево,/ во объятиях Своих Превечнаго Младенца и Бога носившая,/ проси Его дати миру умирение/ и душам нашим спасение./ Сын бо Тебе, Богомати, вещает,/ яко вся прошения Твоя во благое исполнит./ Сего ради и мы, припадающе, молимся/ и, надеющиися на Тя, да не погибнем,/ имя Твое именуем:/ Ты бо еси, Владычице,// Взыскание погибших.

Ин тропарь, глас 4:

Взыщи нас погибающих, Пресвятая Дево,/ не по грехом бо нашим наказуеши нас,/ но по человеколюбию милуеши,/ избави нас от ада, болезни и нужды// и спаси нас.

Кондак Божией Матери пред иконой Ее «Взыскание погибших», глас 6:

Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас, верно зовущих Ти:/ ускори на молитву и потщися на умоление,// предстательствующи присно, Богородице, чтущих Тя.

Ин кондак, глас 6:

Не имамы иныя помощи,/ не имамы иныя надежды,/ разве Тебе, Пречистая Дево,/ Ты нам помози,/ на Тебе надеемся/ и Тобою хвалимся,// Твои бо есмы раби, да не постыдимся.

свт. Феодосия
Тропарь святителя Феодосия, архиепископа Черниговского, глас 4:

Преудобрен во архиереех, святителю Феодосие,/ был еси светило своему стаду,/ таже преставился еси в вечныя обители,/ умоли у Престола Царя Славы избавитися нам от находящих на ны зол// и спастися душам нашим, святе, молитвами твоими.

Кондак святителя Феодосия, архиепископа Черниговского, глас 4:

Пастырей Начальнику Христу трудился еси,/ святителю Феодосие,/ на пажити духовней словесныя твоя овцы питая,/ и целебен дар от Христа Спаса приял еси,/ во еже немощи душевныя и телесныя целити всех,/ с верою к тебе приходящих./ Темже и ныне, святе, молися,/ всем, имя твое призывающим, от наветов вражиих спастися// и помиловатися душам нашим.

Опрос

Помог ли вам карантин правильно провести Великий пост?
да, я остро осознал, насколько мы смертны
24%
нет, новости и паника постоянно отвлекают от молитвы
33%
внешние события не должны влиять на духовную жизнь
43%
Всего проголосовало: 1058

Архив

Система Orphus