12 февраля по старому стилю  /  25 февраля по новому стилю

Иверской иконы Божией Матери. Свт. Мелетия, архиеп. Антиохийского (381). Свт. Алексия, митр. Киевского, Московского и всея Руси, чудотворца (1378). Свт. Мелетия, архиеп. Харьковского (1840).

Прп. Марии, именовавшейся Марином, и отца ее Евгения (VI). Свт. Антония, патриарха Константинопольского (895). Прп. Мелетия Ипсенийского (XIX).

Утр. – Богородицы: Лк., 4 зач.,I, 39–49, 56,или свт.: Ин., 36 зач.,X, 9–161.Лит. – 1 Ин., 71 зач.,II, 18III, 10.Мк., 49 зач.,XI, 1–11.Богородицы: Флп., 240 зач.,II, 5–11.Лк., 54 зач.,X, 38–42; XI, 27–28.Свт.: Евр., 335 зач.,XIII, 17–21.Лк., 24 зач.,VI, 17–232.

Тропарь Божией Матери пред иконой Ее Иверской, глас 1:

От святы́я ико́ны Твоея́,/ о Влады́чице Богоро́дице,/ исцеле́ния и цельбы́ подаю́тся оби́льно,/ с ве́рою и любо́вию приходя́щим к ней./ Та́ко и мою́ не́мощь посети́/ и ду́шу мою́ поми́луй, Блага́я,// и те́ло исцели́ благода́тию Твое́ю, Пречи́стая.

Кондак Божией Матери пред иконой Ее Иверской, глас 8:

́Аще и в мо́ре вве́ржена бысть свята́я ико́на Твоя́, Богоро́дице,/ от вдови́цы, не могу́щия спасти́ сию́ от враго́в,/ но яви́лася есть Храни́тельница Афо́на/ и Врата́рница оби́тели И́верския, враги́ устраша́ющая/ и в правосла́вней Росси́йстей стране́// чту́щия Тя от всех бед и напа́стей избавля́ющая.

Тропарь святителя Московского Алексия, глас 8:

́Яко апо́столом сопресто́льна,/ и врача́ предо́бра, и служи́теля благоприя́тна,/ к ра́це твое́й честне́й притека́юще, святи́телю Алекси́е, богому́дре чудотво́рче,/ соше́дшеся, любо́вию в па́мять твою́ све́тло пра́зднуем,/ в пе́снех и пе́ниих ра́дующеся и Христа́ сла́вяще,/ такову́ю благода́ть тебе́ дарова́вшаго исцеле́ний// и гра́ду твоему́ вели́кое утвержде́ние.

Ин тропарь святителя Московского Алексия, глас 4:

Апо́стольских догма́т опа́сна храни́теля,/ Це́ркве росси́йския па́стыря и учи́теля,/ преблаже́ннаго Алекси́я святи́теля па́мять пра́зднующе,/ славосло́вим Христа́ Бо́га на́шего пе́сньми достодо́лжными,/ дарова́вшаго нам уго́дника Своего́,/ я́ко оби́льный исто́чник, точа́щь врачева́ния,// гра́ду же Москве́ похвалу́ и утвержде́ние.

Кондак святителя Московского Алексия, глас 8:

Боже́ственнаго и пречестна́го святи́теля Христо́ва,/ но́ваго чудотво́рца Алекси́я,/ ве́рно вси пою́ще, лю́дие, любо́вию да ублажи́м, я́ко па́стыря вели́каго,/ служи́теля же и учи́теля прему́дра земли́ Росси́йстей./ Днесь, в па́мять его́ прите́кше, ра́достно возопие́м песнь богоно́сному:/ я́ко име́я дерзнове́ние к Бо́гу, многообра́зных нас изба́ви обстоя́ний, да зове́м ти:// ра́дуйся, утвержде́ние гра́ду на́шему.

Система Orphus