ლატვიის ეკლესია: ჩვენი მრევლი არ არის პასუხისმგებელი რფ-ს ქმედებებზე

ლატვიის მიტროპოლიტი ალექსანდრე. ფოტო: pravoslavie.lv

როგორც რიგისა და სრულიად ლატვიის მიტროპოლიტმა ალექსანდრემ განაცხადა, ეკლესია არ ჰყოფს ხალხს ეროვნებით და ლოცულობს უკრაინაში ომის დასრულებისთვის.

ლატვიის მართლმადიდებლური ეკლესია არ ყოფს ხალხს ეროვნების მიხედვით და ლოცულობს უკრაინაში საომარი მოქმედებების დასრულებისთვის, განაცხადა რიგისა და სრულიად ლატვიის მიტროპოლიტმა ალექსანდრემ თავის მიმართვაში.

მიტროპოლიტი დაუშვებლად მიიჩნევს საერთაშორისო ურთიერთობების საკითხების სამხედრო გზით გადაწყვეტას. „სამხედრო მოქმედება ყველაზე დაუნდობელი ფენომენია, რომელსაც ტკივილი და ტანჯვა მოაქვს ყველასთვის. ამიტომ, ლატვიის მართლმადიდებლური ეკლესიის ყველა ტაძარში, ღვთისმსახურების შემდეგ ყოველდღე, ტარდება ლოცვა მშვიდობისა და კეთილდღეობისთვის“, - წერს მიტროპოლიტი ალექსანდრე.

ლატვიის ეკლესიის მეთაურმა განაცხადა, რომ მისი მრავალეროვნული სამწყსო აერთიანებს ლატვიელებს, რუსებს, ბელორუსებს, უკრაინელებს, მოლდოველებს, ბერძნებს, ქართველებს და სხვა ერების წარმომადგენლებს. „ეკლესიაში ჩვენ არასოდეს გაგვიყვია და არ ვყოფთ ადამიანებს ეროვნების მიხედვით, არასოდეს გვქონია ეთნიკური დაპირისპირება და ურთიერთ უნდობლობა. დღეს ჩვენ ყველა ერთად ვლოცულობთ, რომ დასრულდეს როგორც უკრაინელი, ასევე რუსი და ყველა სხვა ხალხის ტანჯვა“, - განაცხადა მიტროპოლიტმა ალექსანდრემ.

მან ასევე მოუწოდა ლატვიელებს არ დაადანაშაულონ რუსულენოვანი მართლმადიდებლები სხვა ქვეყნების ქმედებებში. „ჩვენი ამოცანაა გავაძლიეროთ ლატვიის საზოგადოების ერთიანობა და ჩვენ სრულად ვუჭერთ მხარს ბ-ნი კარინსის პოზიციას, რომელიც მოუწოდებს, არ აღვძრათ სიძულვილი რუსულენოვანთა მიმართ აქ ლატვიაში“, - წერს ლატვიის ეკლესიის მეთაური.

როგორც მჟკ იტყობინება, რუსეთის მართლმადიდებლური ეკლესიის წინამძღვარი დარწმუნებულია, რომ კაცობრიობის მტერი ტყუილს თესავს ხალხთა ურთიერთობაში.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

უმაღლესი რადას კომიტეტის რეკომენდაციები მსახურების მხოლოდ უკრაინულ ენაზე ჩატარების შესახებ არის:
სახელმწიფოს მხრიდან კანონიერი მოთხოვნაა
50%
ეკლესიის წინააღმდეგ კანონდარღვევაა
50%
უბრალოდ სიტყვის მასალაა
0%
სულ ხმა მისცა: 4

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus