პოჩაევოში ნაციონალისტებმა უმე-ს მღვდლის სახლის პიკეტირება განახორციელეს

ნაციონალისტები უმე-სთან ბრძოლისკენ მოუწოდებდნენ. ფოტო: Facebook-страница «Правий Сектор / Тернопільщина»

 ,,ტერნოპოლის მარჯვენა სექტორმა'' უმე-ს მღვდლის ეზოსთან პიკეტირება განახორციელა.

პოჩაევოში „მარჯვენა სექტორის“ ნაციონალისტებმა უმე-ს ტერნოპოლის ეპარქიის მღვდლის ალექსანდრე მარცენიუკის ეზოსთან ყვავილებითა და შეძახილებით პიკეტი გამართეს. ამ  მცირერიცხოვან  მიტინგს რადიკალებმა „საინფორმაციო-განმარტებითი აქცია“ უწოდეს, იუწყება საიტი  «Тернополяне». ჯერ „მს“-ის წევრები ეზოში შეღწევას ცდილობდნენ, მაგრამ მიხვდნენ, რომ დაკეტილია და მამა ალექსანდრე სახლში არ არის, ჭიშკარზე მათ სამგლოვიარო გვირგვინი დაკიდეს წარწერით: „სიკვდილი რუსეთის ფსბ-ს აგენტებს ანაფორებში“.

ტერნოპოლელი რადიკალების მეთაურმა მოუყვა ჟურნალისტებს, რომ მღვდელმა თითქოს გადაწყვიტა უმე-ს მრევლის ორგანიზება კიევში პარაკლისზე წასასვლელად იმიტომ, რომ „კრემლს ასიამოვნოს“. ნაციონალისტებმა  წითელ-შავი დროშებით მღვდლის, ალექსანდრე მარცენიუკის სახლთან მიკროფონიანი სადგამები  მიიტანეს და მუქარის შემცველ ლოზუნგებსა და პატრიოტულ თეზისებს გაჰყვიროდნენ.

„მარჯვენა სექტორმა“ გამაფრთხილებელი აქცია ჩაატარა ქალაქ პოჩაევოში, რომელიც ახლა დასავლეთ უკრაინის ტერიტორიაზე ძირითად თავშესაფარს  და მოსკოვის სეპარატიზმის ცენტრს წარმოადგენს. განვაგრძობთ ბრძოლას უკრაინაში „მოსკოვიის“ მე-5 კოლონის წინააღმდეგ იმ მიზნით, რომ  მთლიანად აღმოვფხვრათ უკრაინაში  მოსკოვის ეკლესია. ყველა შეგნებულ უკრაინელს მოვუწოდებთ მონაწილეობა მიიღონ ერთობლივ ბრძოლაში“, - ციტირებს ადგილობრივი „მარჯვენა სექტორის“ მეთაურს ნაზარ სარაბუნს ტერნოპოლის საიტი.

აღსანიშნავია, რომ თავისი სასტიკი პიკეტირება  რადიკალებმა პოლიციის თვალწინ გამართეს, რომელიც ამტკიცებს, რომ ყველაფერმა მშვიდობიანად და კანონიერად ჩაიარა.

„აქციის მონაწილეებს საზოგადოებრივი წესრიგი არ დაურღვევიათ“, - აღნიშნა ოლქის ნაცპოლიციის საზოგადოებრივი წესრიგის დაცვის განყოფილების უფროსმა სტეფანე სავიკმა.

შეგახსენებთ, რომ უმე-ს ტერნოპოლის ეპარქიის მღვდელმა, მამა ალექსანდრე მარცენიუკმა 2020 წლის გაზაფხულზე მიმართა მჟკ-ის რედაქციას მასმედიის ფეიკის გამო, რომელიც პოჩაევოს მიძინების ლავრაში კორონავირუსის აფეთქებას ეხებოდა. მღვდელი ყვებოდა, რომ პუბლიკაციები მისი ავადმყოფობის შესახებ არის ოპონენტთა მცდელობა ეჭვი გაავრცელონ   მთელ  მონასტერზე.

როგორც მჟკ იუწყებოდა, „მარჯვენა სექტორი“ უმე-ს გამო ხოტინის ციხესიმაგრის დირექტორს ემუქრება.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

უმაღლესი რადას კომიტეტის რეკომენდაციები მსახურების მხოლოდ უკრაინულ ენაზე ჩატარების შესახებ არის:
სახელმწიფოს მხრიდან კანონიერი მოთხოვნაა
50%
ეკლესიის წინააღმდეგ კანონდარღვევაა
50%
უბრალოდ სიტყვის მასალაა
0%
სულ ხმა მისცა: 4

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus