უმე-ს სპიკერი: არ მეშინია და არ მჯერა ომის - ეს გეოპოლიტიკური თამაშია

16 თებერვალი 2022 22:15
14
უმე-ს სპიკერი: არ მეშინია და არ მჯერა ომის - ეს გეოპოლიტიკური თამაშია

მასმედიაში ომის გამო ატეხილი ისტერია გეოპოლიტიკური თამაშის შედეგია, რომელიც დღესდღეობით ცხოვრებასა და მოღვაწეობაში  ხელს გვიშლის.

უმე-ს საგარეო საეკლესიო კავშირების განყოფილების თავმჯდომარის მოადგილემ, დეკანოზმა ნიკოლოზ დანილევიჩმა მიმართა მრევლს,  სიმშვიდისკენ და სიმტკიცისკენ მოუწოდა მათ. „დღეს სახლში მივფრინავ. ვკითხულობ, რომ ბევრი მიემგზავრება უკრაინიდან, მე კი პირიქით - უკრაინაში. უკვე აეროპორტში ვარ. არ მჯერა ომის. ჩემი აზრით, ეს ყველაფერი გეოპოლიტიკური თამაშია“, - დაწერა დეკანოზმა ნიკოლოზ დანილევიჩმა თავის Facebook-გვერდზე.

უმე-ს სსკგ-ის თავმჯდომარის მოადგილემ აღნიშნა, რომ გეგმავს თავის სამუშაოს რამდენიმე კვირით ადრე და არ ითველისწინებს, რას ამბობენ და წერენ ომის შესახებ. „არ ვითვალისწინებ მთელ იმ ისტერიას, რაც მასმედიაშია ატეხილი. ვწერ ამის შესახებ, რომ იცოდეთ ჩემი გეგმები, ჩემი ცხოვრება და ჩემი ქმედებები“, - ხაზი გაუსვა მამა ნიკოლოზმა.

ომის რომ  მეშინოდეს, ახლა არ ვიქნებოდი მამა ვიტალისთან და არ მექნებოდა ახალ მრევლთან  ამ მშვენიერი ურთიერთობის გამოცდილება, აგრეთვე ჩვენ ხალხს აქ, ლისაბონში სარგებელი არ ექნებოდა. ვიქნებოდი კიევში და ვიღელვებდი ახალი ამბების კითხვისას“, - დაწერა მღვდელმა.

დეკანოზმა ნიკოლოზ დანილევიჩმა აღნიშნა, რომ არ შეიძლება პანიკისა  და შიშის  აყოლა, რომლებიც ხელს უშლიან  ცხოვრებასა  და მუშაობაში. „თუ შეგვეშინდება, შიშისგან პარალიზებულები ვიქნებით და კარგს ვერაფერს ვერ გავაკეთებთ. ცხოვრება მიდის და უკვე დღესვე, ახლავე უნდა ვიცხოვროთ და ვიღვაწოთ,  შევქმნათ აწმყო და მომავალი. თქვენი მოძღვარი მშვიდი და მტკიცეა. ამიტომ თქვენც მას უნდა მიბაძოთ“, - დაასკვნა დეკანოზმა ნიკოლოზ დანილევიჩმა.

როგორც მჟკ იუწყებოდა, 2022 წლის 13 თებერვალს კიევისა და სრულიად უკრაინის უნეტარესი მიტროპოლიტის ონოფრეს კურთხევით, უმე-ს სსკგ-ის თავმჯდომარის მოადგილემ მსახურება აღასრულა ლისაბონში, წმინდა სპირიდონ ტრიმიფუნტელის უკრაინულ სამრევლოში.

თუ შეამჩნევთ შეცდომას, აირჩიეთ საჭირო ტექსტი და დააჭირეთ Ctrl+Enter ან გაგზავნეთ შეცდომა, რათა შეატყობინოთ რედაქტორებს.
ასევე წაიკითხეთ