პატრიარქ ბართლომეს შეჭრა უკრაინაში სიგიჟეა, - რმე-ს წინამძღოლი

პატრიარქი კირილი. ფოტო: patriarchia.ru

პატრიარქმა კირილმა ხაზი გაუსვა, რომ კონსტანტინოპოლის პატრიარქი უკრაინაში შეჭრისას მოქმედებდა არა თავისი გონებით და არა მისი ნება-სურვილით.

2021 წლის 27 სექტემბერს სსკგ-ის თავმჯდომარის, ვოლოკალამის მიტროპოლიტ ილარიონისა და მისი მოადგილეებისთვის საეკლესიო ჯილდოების გადაცემის დროს რუსეთის მართლმადიდებელი ეკლესიის წინამძღოლმა პატრიარქმა კირილმა განაცხადა, რომ კონსტანტინოპოლის პატრიარქის შეჭრა უკრაინაში არის სიგიჟე, გვატყობინებს რმე-ს სსკგ-ის საიტი.

იმ უმნიშვნელოვანესი ამოცანების რიცხვს, რომლებიც დგას რმე სსკგ-ის წინაშე, პატრიარქ კირილის აზრით, განეკუთვნება  „განხეთქილების დაძლევის სამუშაო მსოფლიო მართლმადიდებლობაში, რომელიც გამოწვეულია კონსტანტინოპოლის პატრიარქის უკრაინაში უკანონო, ანტიკანონიკური და ვიტყოდი კიდეც, გიჟური შეჭრის შედეგად“.

„მივცემ თავს უფლებას ასე განვაცხადო, რადგანაც კარგად ვიცნობ პატრიარქ ბართლომეს - ის, ალბათ თავისი გონებით და ნებით არ მოქმედებდა“, - ხაზი გაუსვა რუსეთის მართლმადიდებელი ეკლესიის წინამძღოლმა.

ამასთან, პატრიარქმა კირილმა განაცხადა, რომ არ იღებს იმ არგუმენტაციას, რომლის თანახმადაც კონსტანტინოპოლის პატრიარქი, იმყოფებოდა რა გარე ზეწოლის ქვეშ, ვერ მოიქცეოდა სხვაგვარად.

„მაშ, როგორ ვიქცევით ჩვენ სხვაგვარად, ვცხოვრობთ რა ათეისტურ სახელმწიფოში? ჩვენ ვერანაირი საფრთხობელათი ვერ შეგვაშინებენ - ჩვენ ყველაფერი გავიარეთ და არ შეგვიწყვეტია ურთიერთობა არც ერთ ადგილობრივ მართლმადიდებელ ეკლესიასთან, რომელიც ჩვენს ქვეყანაში მაშინ ხშირად იწოდებოდა „ამერიკული იმპერიალიზმის კუდად“. ჩვენ მხარს ვუჭერდით ამ ურთიერთობებს, დავდიოდით ერთმანეთთან, ვიწვევდით დელეგაციებს.  ამიტომაც, როცა ჩვენ გვეუბნებიან, რომ დღეს პატრიარქი ბართლომე თითქოს სხვაგვარად ვერ მოიქცეოდა, მინიშნება კეთდება რა გარეშე ძალებზე, მე არ ვიღებ ამ არგუმენტაციას“,  - აღნიშნა პატრიარქმა კირილმა.

მან ასევე შეგვახსენა, რომ კონსტანტინოპოლის პატრიარქებს შორის „იყვნენ მოწამეები და აღმსარებლები, ერთ-ერთი მათგანი, პატრიარქი გიორგი საპატრიარქოს კარებზე ჩამოახრჩვეს“, ხოლო „კონსტანტინოპოლი ყოველთვის იყო მართლმადიდებლობის ბურჯი“.

„და ჩვენ ადამიანურად ძალიან განვიცდით, რომ დღეს კონსტანტინოპოლის პატრიარქი  განხეთქილებაში წავიდა, რადგანაც ის ეზიარა განხეთქილებაში მყოფებს და ცნო თვითმარქვიები, რომელთაც არ გააჩნიათ კანონიერ ქიროტონია, არ ჰყავთ კანონიკური მღვდელმთავრები“, - დაასკვნა რუსეთის ეკლესიის წინამძღოლმა.

ადრე მჟკ წერდა, რომ პატრიარქმა კირილმა ფანარიონის მეთაურს განხეთქილებაში მყოფი უწოდა.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

უნდა მოუწოდოს თუ არა მღვდელმსახურმა მრევლს COVID-19 საწინააღმდეგო ვაქცინაციისკენ?
დიახ, ეპისკოპოსები და მღვდელმსახურები ზრუნავენ მრევლის ჯანმრთელობაზე
14%
არა, ეს წმინდა სამედიცინო საკითხია, ეკლესია აქ არაფერ შუაშია
86%
ჩემთვის სულ ერთია
0%
სულ ხმა მისცა: 7

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus