ალექსანდრიის ეკლესიაში ემუქრებიან მს-ში გადასვლის მსურველებს, - კლირიკოსი

ალექსანდრიის წმინდა ხარების ტაძარი. ფოტო: wikimapia.org

ალექსანდრიის საპატრიარქომ ოფიციალურად აღიარა მეუ 2019 წლის 8 ნოემბერს.

ქ. მოსკოვის ვორობიოვის მთებზე არსებული ცხოველმყოფელი სამების ტაძრის წინამძღვარმა, დეკანოზმა ანდრია ნოვიკოვმა თავის Facebook გვერდზე განაცხადა, რომ ალექსანდრიის საპატრიარქოში ემუქრებიან მღვდლებს, რომლებმაც არ აღიარეს მეუ და, რმე-ს წმინდა სინოდის გადაწყვეტილების შემდეგ, სურთ მოსკოვის საპატრიარქოში გადასვლა.

„აი, ასე სწრაფად განვითარდა ყველაფერი. ახლა „სიყვარულის ღვთისმეტყველება“ და „წმინდა ელინიზმია“ ალექსანდრიის საპატრიარქოს მიერ შესრულებული. აშკარაა, რუსეთის ეკლესიის წმინდა სინოდის გადაწყვეტილება თავს დაატყდა ალექსანდრიელებს (უფრო სწორად, ფანარიოტელებს, ვინაიდან ალექსანდრიის საპატრიარქო - მხოლოდ და მხოლოდ ფანარიონის ადგილობრივი ფილიალია). უკვე დღეს დაიწყო ისტერია და მუქარა. ალექსანდრიის ტანზანიის ეპარქიის ბერძენმა ეპისკოპოსმა აგათონიკოსმა სასწრაფოდ გამოიძახა რამდენიმე მღვდელი - აფრიკელები, რომლებიც მხარს უჭერენ კანონიკურ მართლმადიდებლობას და ახლა უკვე აშკარად გადადიან მოსკოვის საპატრიარქოს ომოფორის ქვეშ. როგორც მამებმა მომწერეს, „მან ომი გამოგვიცხადა“. როცა ვთხოვე დაეზუსტებინათ, მამებმა ამიხსნეს - „მოკვლით დაგვემუქრა“. გასაგებია, მას ესმის, ამას ვერ განახორციელებს,  მაგრამ  იქ ახლა უბრალოდ ისტერიაა, მეტი ვერაფრით ვერ დაემუქრებოდა. ხელფასები დიდი ხანია  მოუხსნეს, ტაძრები თემებს გადასცეს, ალექსანდრიის ეპისკოპოსების მოთხოვნებს, რომლებიც თვითონ შევიდნენ ურთიერთობაში ანათემირებულებთან და „სამოსვიატებთან“, ზედაც არ უყურებენ. რაღა დარჩათ - მხოლოდ ისტერიული და მელოდრამატული კივილი: „მოგკლავთ!“. გახსოვთ, თეოდორე ალექსანდრიელს როგორ უწოდებდნენ ჩვენში - „სულიკო“. ეს ყველაფერი ფანარიოტული თეატრია ბარბაროსებისთვის. მათთვის კი ბარბაროსები თურმე არა მარტო რუსებია. იქნებ ეს BLM-ის თემაც იყოს?“, - დაწერა დეკანოზმა ანდრია ნოვიკოვმა.

როგორც მანამდე მჟკ იუწყებოდა, 23-24 სექტემბერს ჩატარებულ რმე-ს წმინდა სინოდზე მიღებულია გადაწყვეტილება რმე-ში ალექსანდრიის ეკლესიის იმ კლირიკოსების მიღებაზე, ვინც არ აღიარა მეუ.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

უნდა მოუწოდოს თუ არა მღვდელმსახურმა მრევლს COVID-19 საწინააღმდეგო ვაქცინაციისკენ?
დიახ, ეპისკოპოსები და მღვდელმსახურები ზრუნავენ მრევლის ჯანმრთელობაზე
0%
არა, ეს წმინდა სამედიცინო საკითხია, ეკლესია აქ არაფერ შუაშია
100%
ჩემთვის სულ ერთია
0%
სულ ხმა მისცა: 4

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus