მიიცვალა ალექსანდრიის ეკლესიის ეპისკოპოსი, რომელიც არ აღიარებდა მეუ-ს

უგანდის მიტროპოლიტი იონა (ლუანგა). ფოტო: ugandaorthodoxchurch.co.ug

უგანდის მიტროპოლიტი იონა (ლუანგა) 77 წლის ასაკში გარდაიცვალა ათენის საავადმყოფოში.

2021 წლის 5 სექტემბერს ათენში მიიცვალა ალექსანდრიის მართლმადიდებელი ეკლესიის ეპისკოპოსი, უგანდის მიტროპოლიტი იონა. 76 წლის იერარქი რამდენიმე წელი ებრძოდა ონკოლოგიურ დაავადებას, თუმცა სიკვდილის მიზეზი გახდა გულის შეტევა, იუწყება OrthoChristian.

"ცხონებული მიტროპოლიტი იყო ალექსანდრიის ტახტის დიდი იერარქი, დაუღალავი მოღვაწე და მებრძოლი აფრიკაში სახარების ქადაგებისთვის,- დაიწერა ალექსანდრიის საპატრიარქოს საიტის ნეკროლოგში.-  ალექსანდრიის ტახტის ეპისკოპოსად ყოფნის ბოლო 29 წლის განმავლობაში, ის მსახურობდა აფრიკის მისიაში, აგრძელებდა უგანდაში პირველი მისიონერების შრომას, აფუძნებდა ეკლესიებს, სკოლებს, საავადმყოფოებსა და მონასტრებს".

მიტროპოლიტი იონა იყო ერთ-ერთი მათ შორის, ვინც ეწინააღმდეგებოდა მეუ-ს აღიარებას. ამაზე ისაუბრა რმე-ს მღვდელმსახურმა, დეკანოზმა გიორგი მაქსიმოვმა, რომელიც ეპისკოპოსს პირადად იცნობდა.

"ნახევარი წლის წინ შევხვდი მას უგანდაში, ჩვენ ძალიან თბილად ვისაუბრეთ,-დაწერა მ. გიორგიმ თავის ტელეგრამ-არხზე.- არაფორმალურ საუბარში მეუფე ამბობდა, რომ გამოდიოდა ალექსანდიის საპატრიარქოს მხრიდან მეუ-ს აღიარების წინააღმდეგ, მაგრამ პატრიარქმა ფეოდორმა საბოლოოდ ყველაფერი ერთპიროვნულად გადაწყვიტა".

დეკანოზმა დაამატა, რომ მიტროპოლიტი იონა, სხვა მრავალ ეპისკოპოსებისგან განსხვავებით, არ დევნიდა იმ თავის კლირიკებს, რომლებმაც ხელი მოაწერეს ღია წერილს, სადაც არ ეთანხმებიან  ალექსანდრიის პატრიარქ ფეოდორის გადაწყვეტილებას  მეუ-ს  აღიარებაზე.

მიტროპოლიტი იონა (ლუანგა) დაიბადა 1945 წლის 18 ივლისს უგანდაში და იყო ამ ქვეყანაში მართლმადიდებლობის მისიის ერთ-ერთი დამფუძნებლის შვილიშვილი. საშუალო განათლების მიღების შემდეგ ის სწავლობდა კრეტას სემინარიაში, შემდეგ ათენის უნივერსიტეტის ფილოსოფიის ფაკულტეტზე და უნივერსიტეტის საღვთისმეტყველო სკოლაში.

1979  წლიდან 1981 წლამდე იყო უგანდაში მართლმადიდებელი მისიის მდივანი. 1981 წელს აკურთხეს დიაკვნად, ხოლო 1982 წელს- პრესსვიტერად. ამის შემდეგ ათი წლის განმავლობაში მსახურობდა ნაირობში დეკანად არქიეპისკოპოს მაკარი III -ის სახ. სემინარიაში.

1992 წელს ნაირობში აყვანილ იქნა ბუკობის ეპისკოპოსის ხარისხში ტანზანიაში მისიის ხელმძღვანელობისთვის.

1997 წლის 12 მარტს დაინიშნა კამპალას მიტროპოლიტად, მთელი უგანდის ეგზარხოსად. ამავე წლის მაისში შედგა მისი ინტრონიზაცია, რომელსაც უხელმძღვანელა პატრიარქმა პეტრე VII-მ. 2017 წლის 24 ოქტომბერს პატრიარქი ფეოდორმა აიყვანა ის უფროსი მიტროპოლიტის ხარისხში.

ადრე მჟკ წერდა, რომ ალექსანდრიის პატრიარქი ფეოდორი მოუწოდებდა სემინარიელებს გაევრცელებინათ ელინიზმი აფრიკაში.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

გაღიზიანებთ თუ არა კინემატოგრაფიაში ლგბტ სცენების დომინირება?
დიახ
100%
არა
0%
მიჭირს პასუხის გაცემა
0%
სულ ხმა მისცა: 2

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus