ბართლომემ და ალექსანდრიის პატრიარქმა დუმენკოსთან ერთად კ.იმბროსზე იმსახურეს

პატრიარქმა ბართლომემ აღნიშნა დიაკვნად ქიროტონიის 60 წლის იუბილე. ფოტო: orthodoxtimes.com

პატრიარქმა ბართლომემ აღნიშნა დიაკვნად  ქიროტონიის 60 წლის იუბილე.

2021 წლის 13 აგვისტოს კონსტანტინოპოლისა და ალექსანდრიის პატრიარქებმა კუნძულ იმბროსზე (თურქეთი) საზეიმო ლიტურგია  ეპიფანე დუმენკოსთან ერთად ჩაატარეს. ღვთისმსახურება ტრანსლირებული იყო პირდაპირ ეთერში  კონსტანტინოპოლის საპატრიარქოსა და უკრაინაში  მართლმადიდებელი ეკლესიის Facebook  გვერდებზე.

პატრიარქ ბართლომეს დიაკვნად ქიროტონიის 60 წლის იუბილესადმი მიძღვნილი  ზეიმი ტარდებოდა წმინდა გიორგის ტაძარში. პატრიარქ თეოდორესა და „მიტროპოლიტ“ ეპიფანეს გარდა, ფანარის მეთაურთან ერთად მსახურობდნენ ელადისა და კრიტის ეკლესიის წარმომადგენლები - მარონიის მიტროპოლიტი პანტელეიმონი და კიტიის მიტროპოლიტი ნექტარი, რომლებიც დელეგირებულები იყვნენ მათი წინამძღოლების მიერ. 

იქ აგრეთვე ესწრებოდნენ ფანარის იერარქი, ქალკედონის მიტროპოლიტი ემანუელი და უკრაინაში მართლმადიდებელი ეკლესიის მეთაურის თანმხლები პირი, „არქიეპისკოპოსი“ ევსტრათე ზორია. 

წინა დღეს პატრიარქი თეოდორე და უკრაინაში მართლმადიდებელი ეკლესიის მეთაური ესწრებოდნენ საღამოს მსახურებას, რომელსაც იმბროსზე კონსტანტინოპოლის პატრიარქი ატარებდა. 

როგორც Orthodox Times იუწყება, საღამოს ლოცვაზე „მსოფლიო პატრიარქმა კეთილი სიტყვებით მიმართა  მის  გვერდით  მყოფ ორ იერარქს“. ალექსანდრიის პატრიარქს მან „ახლო თანამებრძოლი“ უწოდა, რომელმაც მხარი დაუჭირა „მსოფლიო საპატრიარქოს და მსოფლიო პატრიარქს არა მარტო კრიტის კრებაზე 2016 წელს, არამედ უკრაინის ეკლესიის ავტოკეფალიის აღიარებაში, როგორც ეს საბერძნეთის არქიეპისკოპოსმა იერონიმმა და კვიპროსის არქიეპისკოპოსმა ქრიზოსთომოსმა  გააკეთეს“. 

ფანარის მეთაურმა ეპიფანეს უწოდა „მართლმადიდებელი ეკლესიის ახალი ლიდერი“ და კვლავ ხაზი გაუსვა, რომ თავისი გადაწყვეტილებით უკრაინაზე ის „გამოეხმაურა მილიონობით მართლმადიდებელი ქრისტიანის თხოვნას“. პატრიარქმა ბართლომემ აგრეთვე ახსენა მისი მომავალი ვიზიტი კიევში. 

მანამდე მართლმადიდებელ ჟურნალისტთა კავშირი წერდა, რომ უკრაინაში მართლმადიდებელი ეკლესია აწყობს „მომლოცველობას“ ფანარის მეთაურის ლიტურგიაზე კიევში, ხოლო უკრაინის  მართლმადიდებელი ეკლესიის მორწმუნეებმა მოაწყვეს ფლეშმობი „ბართლომე, შენ ჩვენი მოწვეული არ ხარ“.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

მოახდენს თუ არა რეაგირებას პრეზიდენტი სინოდის მოწოდებაზე, გამოძიებულ იქნას უმე-ს საწინააღმდეგო ქმედებები?
დიახ
0%
არა
100%
მიჭირს პასუხის გაცემა
0%
სულ ხმა მისცა: 1

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus