კვიპროსისი ეკლესიის მეთაური დაემუქრა იერარქებს, რომლებმაც არ აღიარეს მეუ

14 ივლისი 2021 21:30
16
არქიეპისკოპოსი ქრიზოსტომი. ფოტო: orthodoxia.info არქიეპისკოპოსი ქრიზოსტომი. ფოტო: orthodoxia.info

ქრიზოსტომმა განაცხადა, რომ თუ დაინტერესდება კვიპროსის ეკლესიაში წესრიგის დამყარებით, მაშინ ის იერარქები რომლებიც არ აღიარებენ მეუ-ს, არ გახდებიან სინოდის წევრები.

კვიპროსის ეკლესიის მეთაურმა არქიეპისკოპოსმა ქრიზოსტომმა განაცხადა, რომ მან იცის  «ხერხები ადგილი მიუჩინოს» სინოდის იმ წევრებს, რომლებიც არ აღიარებენ მეუ-ს, იტყობინება გამომცემლობა Оrthodoxia.info.

კვიპროსის სინოდის წევრები ლამასოლის მიტროპოლიტმა ათანასემ, მორფის - ნეოფიტმა, კიკიის - ნიკიფორემ, ტამასოს - ისაიამ, ასევე ამაფუნტის ეპისკოპოსმა ნიკოლოზმა და ლედრის ეპიფანემ, რომლებიც არ აღიარებენ მეუ-ს, უარი განაცხადეს საღვთო მსახურებაში მონაწილეობის მიღებაზე, რომელიც კვიპროსის წმინდა სინოდმა დანიშნა 10 ივლისს - კვიპროსის მთავარეპისკოპოსის კიპრიანეს ხსენების დღეს.

მთავარეპისკოპოსი ქრიზოსტომის აზრით, ზემოხსენებული იერარქების უარი საღვთო ლიტურგიაში მონაწილეობის მიღებაზე «ნიშნავს წმიდა სინოდის უპატივცემლობას» და «მთავარეპისკოპოსის გვერდის ავლას და ურჩობას».

კვიპროსის ეკლესიის მეთაურმა თქვა, რომ იერარქებს«მუდამ უნდა ახსოვდეთ რომ მე ისევ ეპისკოპოსი ვარ. მე არ გარდავიცვალე. მე ჯერ ცოცხალი ვარ».

კვიპროსის ეკლესიის წინამძღვრის აზრით, იერარქები, რომლებმაც უარი განაცხადეს მის გვერდით მსახურებაზე, «ცდებიან», და თუ ის «დაინტერესდება ეკლესიაში წესრიგის დამყარებით», მაშინ მიტროპოლიტები «აღარ იქნებიან სინოდის წევრები, რადგანაც ისინი პატივს არ სცემენ წმინდა სინოდს». «აი რატომ ვარ ჩუმად, ეკლესიას რომ არ მივაყენო ზიანი», – აღნიშნა ქრიზოსტომმა.

კითხვაზე, ღრმავდება თუ არა კრიზისი ევქარისტიულ ურთიერთობაში (კვიპროსის ეკლესიაში – რედ.), მთავარეპისკოპოსმა ქრიზოსტომმა უპასუხა, რომ «თუ ეს საკითხი გაღრმავდა, მაშინ ეკლესია უნდა იყოს მკაცრი».

«მე ვიცი გზები მათ (მიტროპოლიტები, მეუ-ს მოწინააღმდეგეები, – რედ.) როგორ მივუჩინო ადგილი, მაგრამ  ჯერ არაფერს მოვიმოქმედებ», – ხაზი გაუსვა მან.

ადრე მჟკ წერდა, კვიპროსის მართმადიდებლური ეკლესიის წინამძღვარი ქრიზოსტომი იტყობინება, რომ წმინდა სინოდის გადაწყვეტილება მას არ ,,აინტერესებს’’.

თუ შეამჩნევთ შეცდომას, აირჩიეთ საჭირო ტექსტი და დააჭირეთ Ctrl+Enter ან გაგზავნეთ შეცდომა, რათა შეატყობინოთ რედაქტორებს.
ასევე წაიკითხეთ