უმე-ს სპიკერი: ეკლესია მარტო უნეტარესი არ არის,მისი ბედი ერისკაცების ხელშია

დეკანოზი ნიკოლოზ დანილევიჩი ლოცვით დგომაზე უმაღლეს რადასთან. ფოტო: скриншот youtube-канала Перший Козацький

დეკანოზმა ნიკოლოზ დანილევიჩმა ერისკაცებს მოუწოდა საკუთარი რწმენის დაცვისკენ,  ხელისუფლებამ უნდა დაინახოს, რომ უმე-ს მორწმუნეები უკრაინაში  უმრავლესობას წარმოადგენენ.

უკრაინის მართლმადიდებელი ეკლესიის საგარეო საეკლესიო კავშირების განყოფილების უფროსის მოადგილემ, დეკანოზმა ნიკოლოზ დანილევიჩმა 15 ივნისს უმაღლეს რადასთან ლოცვითი დგომის დროს განაცხადა, რომ ეკლესიის ბედი დამოკიდებულია არა მარტო უნეტარეს მიტროპოლიტ ონოფრეზე, არამედ, ძირითადად, ერისკაცებზე, რომლებიც უნდა დადგნენ ეკლესიის დასაცავად, იუწყება youtube-არხი Перший Козацький.

„...ეკლესიის ბედი მარტო უნეტარესის, საეპისკოპოსოს, სამღვდელოების ხელში კი არ არის, არამედ, ძირითადად, ხალხის, მორწმუნეების, ერისკაცების ხელშია. ჩვენ აქ ვდგევართ, ღვთისმშობლის დაუჯდომელს ვკითხულობთ და, ღმერთმა ქნას, რომ ჩვენი ლოცვა შესმენილი იყოს ღვთის მიერ, რომ ჩვენი სიტყვები პრეზიდენტამდე და დეპუტატებამდე მივიდეს. ვფიქრობ, ისინი უკვე გვისმენენ. ასე ვფიქრობ  კულტურის მინისტრის ალექსანდრე ტკაჩენკოს სიტყვებიდან გამომდინარე, რომელმაც განაცხადა, რომ მისთვის რელიგიათაშორისი მშვიდობის შენარჩუნების საკითხი უფრო მნიშვნელოვანია, ვიდრე ეკლესიის სახელის შეცვლა... ისინი ხედავენ, რომ ჩვენ ბევრნი ვართ. ჩვენ რომ არ გამოვდიოდეთ, არ გვქონდეს ჯვრით მსვლელობა, აუცილებლად „დაგვმარხავდნენ“. ჩვენ კი ცოცხლები ვართ, ბევრნი ვართ და უმრავლესობა. არ უნდა გვეშინოდეს და ვთქვათ, რომ ქრისტიანები ვართ, უკრაინელები და ჩვენს კანონიერ უფლებებს ვიცავთ. ღმერთმა ქნას, რომ ამ დღეს ხელისუფლებამ გაიგოს მართლმადიდებელთა ხმა“, - აღნიშნა მან.  

შეგახსენებთ, რომ 15 ივნისს უკრაინის მართლმადიდებელი ეკლესიის მორწმუნეებმა უმაღლეს რადასთან ლოცვითი დგომის დროს გადასცეს ორი კანონპროექტი, რომლებიც ითვალისწინებენ უკრაინის მართლმადიდებელი ეკლესიის მორწმუნეების უფლებების დაცვას. ეს კანონპროექტები ორ კანონს ეხება, რომლებიც პრეზიდენტმა პეტრე პოროშენკომ მიიღო - კანონი № 2662-VIII (უკრაინის მართლმადიდებელი ეკლესიის იძულებით სახელის შეცვლა რუსეთის მართლმადიდებელ ეკლესიად უკრაინაში) და 2673-VIII (კანონი საეკლესიო რეიდერობისთვის).

როგორც მანამდე მართლმადიდებელ ჟურნალისტთა კავშირი იუწყებოდა, სახალხო დეპუტატმა ვადიმ ნოვინსკიმ განაცხადა, რომ უმაღლესი რადის კედლებთან ხალხის საკმაო რაოდენობაა, რომლებიც დაიცავენ უკრაინის მართლმადიდებელ ეკლესიას.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

უნდა მოუწოდოს თუ არა მღვდელმსახურმა მრევლს COVID-19 საწინააღმდეგო ვაქცინაციისკენ?
დიახ, ეპისკოპოსები და მღვდელმსახურები ზრუნავენ მრევლის ჯანმრთელობაზე
0%
არა, ეს წმინდა სამედიცინო საკითხია, ეკლესია აქ არაფერ შუაშია
100%
ჩემთვის სულ ერთია
0%
სულ ხმა მისცა: 1

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus