უმე-ში კომენტარი გააკეთეს ზელენსკის სიტყვებზე ეკლესიასა და ომზე

ეპისკოპოსი ვიქტორი (კოცაბა). ფოტო: facebook.com/V.D.Kotsaba

ეპისკოპოსი ვიქტორი (კოცაბა) თვლის, რომ უკრაინის მართლმადიდებელი ეკლესიის სამშვიდობო პოზიცია შეიძლება საფუძველი გახდეს დონბასში ომის შეჩერების მცდელობისთვის.

2021 წლის 16 ივნისს ევროპის საერთაშორისო ორგანიზაციებში უკრაინის მართლმადიდებელი ეკლესიის წარმომადგენლობის მეთაურმა, ბარიშევსკის ეპისკოპოსმა ვიქტორმა (კოცაბა) თავის Telegram-არხზე კომენტარი გააკეთა უკრაინის პრეზიდენტ ვლადიმერ ზელენსკის სიტყვებზე, რომელმაც განაცხადა, რომ როდესაც ეკლესიაზე ფიქრობს, დონბასში ომი ახსენდება.

მეუფე ვიქტორის აზრით, „ბოლომდე გასაგები არ არის, რა საჭიროა იმისთვის, რომ შეწყვიტო კონსტიტუციის დარღვევა უკრაინის მართლმადიდებელი ეკლესიის მიმართ და გააუქმო ანტიეკლესიური კანონების მოქმედება, ჯერ დონბასში ომი უნდა დაასრულო“.

მღვდელმთავარმა ხაზი გაუსვა, რომ „უკრაინის ძირითადი კანონის დარღვევა, რომელიც რწმენის თავისუფლების გარანტია, არ შეიძლეაბ გამართლებული იყოს საომარი ქმედებებით ჩვენი ქვეყნის აღმოსავლეთში“.

გარდა ამისა, იერარქის სიტყვებით, „ გაუგებარია, იმისთვის, რომ შეწყდეს უკრაინის მართლმადიდებელი ეკლესიის უფლებების დარღვევა, ჯერ ურთიერთობა უნდა დალაგდეს რუსეთის ფედერაციასთან“.

„უკრაინის მართლმადიდებელი ეკლესიის მორწმუნეები უკრაინის მოქალაქეები არიან, ესე იგი მათი უფლებები არ უნდა იყოს დამოკიდებული ჩვენი ქვეყნის კარგ ან ცუდ ურთიერთობებზე სხვა სახელმწიფოებთან“, - თვლის ეპისკოპოსი ვიქტორი.

მან აღნიშნა, რომ უკრაინის მართლმადიდებელი ეკლესია ყოველთვის მშვიდობისა და უკრაინაში ომის შეწყვეტის მომხრე იყო, ხოლო „მისი სამშვიდობო პოზიცია შეიძლება საფუძველი და მაგალითი იყოს დონბასში საომარი მოქმედებების შეჩერების მცდელობის“.

მანამდე მართლმადიდებელ ჟურნალისტთა კავშირი წერდა, რომ უკრაინის პრეზიდენტის ვლადიმერ ზელენსკის აზრით, რუსეთთან ურთიერთობაში ომი უნდა შეწყდეს, ახლა კი, როდესაც ეკლესიაზე ლაპარაკობენ, ის ომზე ფიქრობს.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

უნდა მოუწოდოს თუ არა მღვდელმსახურმა მრევლს COVID-19 საწინააღმდეგო ვაქცინაციისკენ?
დიახ, ეპისკოპოსები და მღვდელმსახურები ზრუნავენ მრევლის ჯანმრთელობაზე
0%
არა, ეს წმინდა სამედიცინო საკითხია, ეკლესია აქ არაფერ შუაშია
100%
ჩემთვის სულ ერთია
0%
სულ ხმა მისცა: 1

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus