ფანარიონი მხარს უჭერს კალენდრის რეფორმას და რ. კ. ე-სთან აღდგომის აღნიშვნას

არქიეპისკოპოსი იობი (გეჩა) და რომის პაპი ფრანცისკე. ფოტო: incarnatewordsistershouston.org

არქიეპისკოპოსმა იობმა (გეჩა) აღნიშნა, რომ ძველ ეკლესიაში აღდგომის ერთობლივი აღნიშვნა  ქრისტიანებისთვის „რწმენაში ერთობის“ გამოვლინება იყო.

კონსტანტინოპოლის საპატრიარქოს წარმომადგენელმა, ტელმისუს  არქიეპისკოპოსმა იობმა (გეჩა) განაცხადა, რომ ფანარი მზად არის კალენდრის რეფორმისთვის და „სხვადასხვა ქრისტიანულ ეკლესიებთან“  ერთად აღდგომის აღნიშვნისთვის.

მან აღნიშნა, რომ პირველი მსოფლიო კრების 1700 წლისთავთან დაკავშირებით, რომელიც გაიმართა ნიკეაში 325 წელს, ეკლესიათა მსოფლიო საბჭო გეგმავს რწმენისა და წესრიგის მსოფლიო კონფერენციის კომისიის ორგანიზებას „ამ თარიღის აღსანიშნავად  და დღეს  სამოციქულო რწმენის გადაცემაზე მსჯელობისთვის“.

„ამ კონფერენციის მიზანი იქნება  არა კრებითობის ისტორიის  ან მისი თეოლოგიის შესწავლა, არამედ უფრო მსჯელობა იმის შესახებ, თუ რას ნიშნავს დღეს რიგი ქრისტიანული ეკლესიისთვის  „მოჩვენებითი ერთობა“ და როგორ შეუძლიათ ქრისტიანებს კოლექტიურად წამოწიონ, იქადაგონ და იცხოვრონ სამოციქულო რწმენით“, - აღნიშნა ფანარიონის წარმომადგენელმა.

მან გაიხსენა, რომ „ნიკეის კრებამ არა მარტო განაცხადა  მრწამსის შესახებ... არამედ მთელი ქრისტიანული სამყაროსთვის  აღდგომის ერთობლივი აღნიშვნა უზრუნველყო“, რაც, მისი აზრით, „რწმენაში ერთობის“ გამოვლინება იყო.

არქიეპისკოპოსმა იობმა ილაპარაკა  აღდგომის თარიღის აღნიშვნის განსხვავებაზე მართლმადიდებელ და დასავლეთის ქრისტიანებს შორის: „კალენდრისა და აღდგომის ერთობლივი თარიღის საკითხი ХХ  საუკუნის განმავლობაში რამდენჯერმე წამოიჭრა მართლმადიდებელ ეკლესიაში“, ხოლო სტამბულის „სრულიად მართლმადიდებლური კონგრესის“ შემდეგ, რომელიც 1923 წელს მოწვეული იყო კონსტანტინოპოლის პატრიარქის მელეტი IV მიერ,  მცდელობა იყო „კალენდრის ნაწილობრივი გადახედვისა“.

თუმცა, აღნიშნა ფანარიონის წარმომადგენელმა, „ზოგიერთ მართლმადიდებელს არ სურს „რომის კათოლიკური“ გრიგორიანული კალენდრის მიღება, ამიტომ სერბმა ასტრონომმა მილუტინ მილანკოვიჩმა შესთავაზა შესწორებული იულიანური კალენდარი“.

არქიეპისკოპოს იობის სიტყვებით, „კალენდრისა და აღდგომის საერთო თარიღის საკითხი შევიდა იმ 17 თემის სიაში, რომელიც უნდა განეხილა  მართლმადიდებელი ეკლესიის  დიდ წმინდა კრებას, თუმცა „მართლმადიდებელი ეკლესიების წინამძღვართა კრებამ,  რომელიც შედგა 2016 წლის იანვარში შამბეზიში, გადაწყვიტა ამოეღო ეს საკითხი დღის წესრიგიდან იმის შიშით, რომ კალენდრის რეფორმა გამოიწვევს განხეთქილებას მართლმადიდებელ ეკლესიაში“.

„შესაძლოა, რომ 2025 წელს ნიკეის კრების 1700 წლისთავი  ქრისტიანთა გათვიცნობიერების საბაბი გახდეს: კალენდრის  რეფორმა და აღდგომის საერთო თარიღი აუცილებელია იმისთვის, რომ პირველი მსოფლიო კრების გადაწყვეტილებების ერთგულები დავრჩეთ“, - ხაზი გაუსვა ფანარიონის იერარქმა, „ის ფაქტი, რომ ამ წელს აღდგომის აღმოსავლური და დასავლური თარიღები  დაემთხვევა, უნდა განვიხილოთ როგორც წახალისება ამ მიმართულებით“, - დაასკვნა მან.

მანამდე მართლმადიდებელ ჟურნალისტთა კავშირი წერდა, რომ რომის კათოლიკური ეკლესია მიესალმება ფანარიონის იდეას აღდგომის ერთობლივ აღნიშვნაზე 2025 წელს.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

გაიკეთებთ თუ არა COVID საწინააღმდეგო აცრას?
სულ ხმა მისცა: 0

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus