უნეტარესმა ბერძნებს მიულოცა განმანთავისუფლებელი რევოლუციის 200 წლისთავი

უკრაინის მართმადიდებლური ეკლესიის წინამძღვარი ენეტარესი ონუფრე. ფოტო: news.church.ua

უმე-ს წინამძღვარმა უნეტარესმა ონუფრემ საბერძნეთის დამოუკიდებლობის დღეს ჩვენს ძმობილ ერს უსურვა მშვიდობა, გაბრწყინება, განვითარება და ღვთის წყალობა.

საბერძნეთისათვის უმნიშვნელოვანესი თარიღის აღნიშვნასთან დაკავშირებით – 200-წლისთავი ბერძენი ერის ნაციონალური - განმანთავისუფლებელი ბრძოლის დაწყებიდან, უკრაინის მართმადიდებლური ეკლესიის წინამძღვარმა კიევისა და მთელი უკრაინის მიტროპოლიტმა ონუფრემ მიულოცა საბერძნეთის რესპუბლიკის პრეზიდენტს ეკატერინე საკერალოპულუს.

მჟკ გადმოგცემთ სრულად მისალოც ტექსტს, რომელიც გამოქვეყნა უმე-ს საგარეო საეკლესიო კავშირების ოფიციალურ საიტზე.

«უკრაინული მართმადიდებლური ეკლესიისა და სრულიად მართმადიდებელი ხალხის სახელით გულითადად ვულოცავთ თქვენ და თქვენი სახელით ჩვენს ერთმორწმუნე ბერძენ ხალხს დამოუკიდებლობისათვის ნაციონალურ - განმანთავისუფლებელი ბრძოლის დაწყებიდან 200 წლისთავს.

ოთხი საუკუნის განმავლობაში ტყვეობაში მყოფი ბერძენი ხალხისთვის ქრისტეს ეკლესია და მართმადიდებლური რწმენა იყო ის მაცოცხლებელი შუქი, რომელმაც შეაძლებინა თქვენს ერს გაეძლო ბნელი უცხო ერისა და რჯულის ხალხის ბატონობისათვის და საკუთარი იდენტობა არ დაეკარგა. სიმბოლურია, რომ 1821 წლის აჯანყება დაიწყო ღვთისმშობლის ხარების დღესასწაულზე ძველი პატრის მიტროპოლიტის გერმანის კურთხევით.

ასევე მოხარული ვარ განვაცხადო, რომ უკრაინა პირდაპირ კავშირშია ამ ღირსშესანიშნავ თარიღთან, რომლის ტერიტორიაზეც უხსოვარი დროიდან ცხოვრობდა, და დღესაც ცხოვრობს, ბერძნული დიასპორა. ოდესის, მარიოპოლის, ხერსონის, ნეჟინისა და სხვა უკრაინული ქალაქების ბერძნები მრავალი წლის მანძილზე ცხოვრობდნენ საკუთარი სამშობლოს თავისუფლებისადმი რწმენით და ქმნიდნენ 1821 წლის აჯანყების წინაპირობას.

მწამს, რომ მოგონებები იმჟამინდელ მოვლენებზე მუდამ დარჩება ჩვენი ხალხის გულებში. დარწმუნებული ვარ არსებული ურთიერთობა,მხარდაჭერა და თანამშრომლობა ჩვენს მართმადიდებელ ერებსა და სახელმწიფოებს შორის გაგრძელდება.

ძმურ ბერძნულ ერს ვუსურვებ მშვიდობას, გაბრწყინებას, განვითარებასა და ღვთის წყალობას!

+ონუფრე

კიევისა და მთელი უკრაინის მიტროპოლიტი

უკრაინის მართმადიდებლური ეკლესიის წინამძღვარი»

შეგახსენებთ, 2021 წლის 25 მარტს საბერძნეთი აღნიშნავს ოსმალეთის იმპერიის ოთხ საუკუნოვანი ტყვეობიდან დასახსნელად დაწყებული ნაციონალურ - განმანთავისუფლებელი ბრძოლიდან 200 წლის გასვლას. დამოუკიდებლობისათვის ბრძოლა, რომელიც დაიწყო 1821 წლის 25 მარტს – ღვთისმსობლის ხარების დღესასწაულზე, გრძელდებოდა თითქმის 10 წლის განმავლობაში.

ადრე მჟკ წერდა, დამოუკიდებლობის დღესასწაული ბერძენ ხალხსა და პრეზიდენტს მიულოცა რუსეთის მართმადიდებლური ეკლესიის წინამძღვარმა პატრიარქმა კირილმა.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

გაიკეთებთ თუ არა COVID საწინააღმდეგო აცრას?
სულ ხმა მისცა: 0

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus