მეუ-ში განაცხადეს, რომ პატრიარქმა პორფირემ არ იცის კანონები

04 მარტი 2021 14:12
0
ვიქტორ ბედი (მარცხნივ) და სერგეი (ეპიფანე) დუმენკო. ფოტო: religion.uz.ua ვიქტორ ბედი (მარცხნივ) და სერგეი (ეპიფანე) დუმენკო. ფოტო: religion.uz.ua

მეუ-ს „იერარქის“ ვიქტორ ბედის აზრით, უკრაინელებს „ყველაზე ნაკლებად უნდა აინტერესებდეთ უცხოელთა, მით უმეტეს ჩვენი მტრების აზრი“.

უკრაინაში მართლმადიდებელი ეკლესიის მუკაჩევსკისა და კარპატსკის „ეპისკოპოსი“ ვიქტორ ბედი თვლის, რომ სერბეთის  მართლმადიდებელი ეკლესიის პატრიარქი პორფირემ არ იცის საეკლესიო კანონები, ამიტომ მისი პოზიცია უკრაინაში მართლმადიდებელი ეკლესიის მიმართ არ უნდა იყოს გათვალისწინებული. ამის შესახებ ბედმა დაწერა თავის Facebook გვერდზე.

ბედის აზრით, სერბეთის პატრიარქ პორფირეს სიტყვები, რომ ფანარის ქმედებები უკრაინაში არ შეესაბამება საეკლესიო კანონებს, „ეს მხოლოდ ერთი ადამიანის აზრია დედამიწის შვიდნახევარ მილიარდ ადამიანთა შორის, და მეტი არაფერი...“.

უკრაინაში მართლმადიდებელი ეკლესიის „იერარქი“ დარწმუნებულია, რომ „გაივლის გარკვეული დრო, შესაძლოა არც ისე ბევრი, და პორფირე ამ საკითხზე უკვე სხვანაირად ილაპარაკებს... იმიტომ რომ ის არც პირველია და არც უკანასკნელი“. ბედი თვლის, რომ

უკრაინაში მართლმადიდებელი ეკლესიის მომავალი, აგრეთვე „ახალი საეკლესიო სტრუქტურის შექმნა და მსოფლიო რელიგიათა განვითარება“ არც პატრიარქ პორფირეზე, არც პატრიარქ კირილზე და არც პაპ ფრანცისკეზეა დამოკიდებული.

ბედის აზრით, პატრიარქი პორფირე არ შეიძლება იყოს „საეკლესიო კანონიკური სამართლის  უბადლო მცოდნე და განმარტავდეს მას, მათ შორის უკრაინაში მართლმადიდებელი ეკლესიის ავტოკეფალიის საკითხსაც“, თუმცა „ცდილობს უხუცეს ბრძენად და მსოფლიო ორაკულად წარმოაჩინოს თავი“.

გარდა ამისა, უკრაინაში მართლმადიდებელი ეკლესიის „იერარქმა“ დარწმუნებულად განაცხადა, რომ უკრაინელებს „ყველაზე ნაკლებად უნდა აინტერესებდეს უცხოელთა, განსაკუთრებით კი ჩვენი მტრების აზრი“, რომ უკრაინელები ნაციონალურ ერთობაში უნდა იყვნენ,  ღმერთთან კი სულიერ ჰარმონიაში. და „მაშინ ჩვენ ყველაფერი კარგად გვექნება, უცხოელებიც გვაღიარებენ და ჩვენი მტერიც განადგურდება“.

მანამდე მართლმადიდებელ ჟურნალისტთა კავშირი წერდა, რომ,  სერბეთის პატრიარქ პორფირეს სიტყვებით, სერბეთის  მართლმადიდებელი ეკლესია ყოველთვის წესრიგისა და კანონის  მხარეზეა, ხოლო კონსტანტინოპოლის საპატრიარქოს ქმედებები უკრაინაში საეკლესიო კანონებს არ შეესაბამება“.

თუ შეამჩნევთ შეცდომას, აირჩიეთ საჭირო ტექსტი და დააჭირეთ Ctrl+Enter ან გაგზავნეთ შეცდომა, რათა შეატყობინოთ რედაქტორებს.
ასევე წაიკითხეთ