რუმინეთის მართლმადიდებელი ეკლესიის იერარქმა მოილოცა უმე-ის სიწმინდეები

კოვანსენსკისა და ჰარგიტსკის ეპისკოპოსი ანდრია (მოლდოვანი). ფოტო: kdais.kiev.ua

ეპისკოპოსმა ანდრიამ (მოლდოვანმა) თაყვანი სცა ჩერნოვიცკო-ბუკოვინსკის, ტერნოპოლისა და როვენსკის ეპარქიების სიწმინდეებს, აგრეთვე ჩაატარა ლიტურგია კიევო-პეჩერის ლავრაში.

2021 წლის 11-13 იანვარს რუმინეთის  მართლმადიდებელი ეკლესიის კოვასნენსკისა და ჰარგიტსკის ეპისკოპოსი ანდრია (მოლდოვანი), რომელიც იმყოფებოდა უკრაინაში მოსალოცად, თაყვანი სცა სიწმინდეებს უკრაინის მართლმადიდებელი ეკლესიის რამდენიმე ეპარქიაში და ჩაატარა საღვთო ლიტურგია კიევო-პეჩერის მიძინების ლავრაში. ამის შესახებ იუწყება უკრაინის მართლმადიდებელი ეკლესიის საინფორმაციო-საგანმანათლებლო განყოფილება.

11 იანვარს ეპისკოპოსმა ანდრიამ მოინახულა ჩერნოვცი და ტერნოპოლი, სადაც თაყვანი სცა ადგილობრივ სიწმინდეებს და შეხვდა უკრაინის მართლმადიდებელი ეკლესიის ეპარქიების მმართველ მღვდელმთავრებს - ჩერნოვიცკისა და ბუკოვინსკის მიტროპოლიტს მელეტის და ტერნოპოლისა და კრემენეცკის მიტროპოლიტს სერგის. ტერნოპოლის ეპარქიაში ყოფნისას, მღვდელმთავარმა მოინახულა პოჩაევოს მიძინების ლავრა.

მოლოცვისას, 12 იანვარს, კოვასნენსკისა და ჰარგიტსკის ეპისკოპოსი იმყოფებოდა უკრაინის მართლმადიდებელი ეკლესიის როვენსკის ეპარქიის მონასტრებში და  შეხვდა ეპარქიის ქორ-ეპისკოპოსს, დუბენსკის ეპისკოპოსს პიმენს.

13 იანვარს, წმინდა პეტრე მოგილას, კიევის მიტროპოლიტის და წმინდა მოწამის დოსითეოსის, ზაგრებ-ლუბლანსკის მიტროპოლიტის ხსენების დღეს ეპისკოპოსმა ანდრიამ და კიევის სასულიერო აკადემიისა და სემინარიის რექტორმა, ბელოგოროდსკის ეპისკოპოსმა სილვესტრმა  ჩაატარეს საღვთო ლიტურგია კიევო-პეჩერის ლავრის  მიძინების ტაძრის სტეფანოვოს სამლოცველოში. უკრაინის მართლმადიდებელი ეკლესიის წინამძღვრის, კიევისა და სრულიად უკრაინის მიტროპოლიტის უნეტარესი ონოფრეს კურთხევით, ამ სამლოცველოში ყოველკვირეულად ტარდება ღვთისმსახურება კიევში მცხოვრებ რუმინულენოვან მრევლისთვის.

ლიტურგიის დროს მღვდელმთავრებთან თანამსახურებდნენ რუმინეთის მართლმადიდებელი ეკლესიის სასულიერო პირები და კიევის ეპარქიის უკრაინის მართლმადიდებელი ეკლესიის კლირიკოსები, კერძოდ, კიევო-პეჩორის ლავრის მოლდავურ-რუმინული სამრევლოს დეკანოზი დიმიტრი პოპესკუ.

ღვთისმსახურების დროს ლოცულობდნენ უკრაინაში რუმინეთის საელჩოსა და რუმინეთში უკრაინის საელჩოს  წარმომადგენლები.

ლიტურგიის ბოლოს ბელოგოროდსკის ეპისკოპოსმა სილვესტრმა რუმინეთის მართლმადიდებელი ეკლესიის მღვდელმთავარს გადასცა  უკრაინის მართლმადიდებელი ეკლესიის წინამძღვრის, უნეტარესი ონოფრეს მოლოცვა და აჩუქა კიევის სასულიერო აკადემიის გამოცემები.

ღვთისმსახურების დასრულებისას,  კოვასნენსკისა და ჰარგიტსკის ეპისკოპოსმა ანდრიამ, რუმინეთის კულტურის დარგში მრჩეველმა, საელჩოების წარმომადგენლებმა  და კიევის ეპარქიის კლირიკოსებმა  ყვავილებით შეამკეს წმინდა პეტრე მოგილას ძეგლი.

შეგახსენებთ, რომ მანამდე უკრაინის მართლმადიდებელ  ეკლესიაში განმარტეს, რატომ მიიღო რუმინეთის ეკლესიამ უკრაინის ვიკარიატის წესდება.

თუ შეცდომა შეამჩნიეთ, მონიშნეთ საჭირო ტექსტი და დააჭირეთ Ctrl Enter- ს, რომ შეატყობინოთ ამის შესახებ რედაქციას.

გამოკითხვა

უნდა მოუწოდოს თუ არა მღვდელმსახურმა მრევლს COVID-19 საწინააღმდეგო ვაქცინაციისკენ?
დიახ, ეპისკოპოსები და მღვდელმსახურები ზრუნავენ მრევლის ჯანმრთელობაზე
17%
არა, ეს წმინდა სამედიცინო საკითხია, ეკლესია აქ არაფერ შუაშია
83%
ჩემთვის სულ ერთია
0%
სულ ხმა მისცა: 6

იუმორი

გაკვეთილზე მასწავლებელი სვამს კითხვას:

– ბავშვებო! დაასახელეთ რომელიმე სასწაული?

გოგონა, რომელიც იზრდებოდა ქრისტიანულ ოჯახში, სწევს ხელს. მასწავლებელი მას ეკითხება.

– სასწაული იყო, როდესაც ღმერთმა ებრაელები გამოიყვანა წითელი ძღვიდან.

ეტყობა ურწმუნო მასწავლებელი პასუხობს:

– ამას არ შეიძლება ეწოდოს სასწაული. მეცნიერებმა დაადგინეს, რომ იმ დროს იმ ადგილზე წყალი მუხლებამდე იყო და ზღვის გადმოლახვა ნებისმიერს შეეძლო.

მასწავლებელი აგრძელებს კითხვის დასმას:

– ბავშვებო! ვინმეს შეუძლია მითხრას რაიმე სასწაული?

ისევ ის გოგონა სწევს ხელს. მასწავლებული იძულებული ისევ ჰკითხოს მას.

– სასწაული იყო,როდესაც ფარაონის ყველა მხლებლები წყალში ჩაიძირნენ, რომელიც მუხლებამდე სწვდებოდათ.

 

არქივი

Система Orphus