ნაცვალი: ჩვენ გადმოგვეცა ახალი წერილი ლავრის დატოვების მოთხოვნით

24 მარტი 2023 15:56
4167
ვიშგოროდის მიტროპოლიტი პავლე. ფოტო: скриншот видео YouTube-канала Киево-Печерской лавры ვიშგოროდის მიტროპოლიტი პავლე. ფოტო: скриншот видео YouTube-канала Киево-Печерской лавры

მიტროპოლიტმა პავლემ განაცხადა, რომ ბერებმა მიიღეს განჩინება კიევ-პეჩერის ლავრის №34 კორპუსიდან გამოსახლების შესახებ.

კიევ-პეჩერის ლავრის საძმომ მიიღო ახალი მოთხოვნა №34 კორპუსიდან გამოსახლების შესახებ. ამაზე ლავრის ნაცვალმა, ვიშგოროდის მიტროპოლიტმა პავლემ განაცხადა მიმართვაში, რომელიც გამოაქვეყნა სავანის პრეს-სამსახურმა.

იერარქმა აღნიშნა, რომ ბერებმა კორპუსი ნანგრევებიდან ააგეს და არ გამოვლენ არც ამ კორპუსიდან და არც მონასტრის რომელიმე სხვა შენობიდან.

„ვინ არიან მუზეუმის დირექტორი და კულტურის მინისტრი? ისეთივე უბრალო ხალხი, როგორც ჩვენ. მათ უნდა შეასრულონ სახელმწიფოს კანონი და ცოტა ღვთის შიში ჰქონდეთ. სასამართლოს გადაწყვეტილება არ არის“, - თქვა მან.

მიტროპოლიტმა პავლემ აგრეთვე კომენტარი გააკეთა სოცქსელებში არსებულ ხმებზე, თითქოს პრეზიდენტ ზელენსკის დავალებით კიევ-პეჩერის ლავრას და მის ბერებს თავი უნდა დაანებონ.

„თავს ნუ ინუგეშებთ, რომ ჩვენ ვინმე თავს დაგვანებებს. თუ დღეს მე მორიგი წერილი მივიღე გამოსახლების შესახებ, რაზეა ლაპარაკი? მათ უბრალოდ ჩვენი „მიძინება“ სურთ, რომ არაფერი ვთქვათ, არაფერი არ მოვიმოქმედოთ, უბრალოდ ვისმინოთ ახალი დაპირებები, რომლებიც საერთოდ არ სრულდება“, - დაამატა მან.

მღვდელმთავარმა აღნიშნა, რომ ლავრის ტერიტორიაზე უამრავი ბერი ცხოვრობს, რომლებიც  მონასტერში მისი გახსნისას, 1988 წელს მოვიდნენ: „სად წავიყვანოთ 200 ადამიანი, რომლებიც აქ 35 წლის მოვიდნენ? რომლებიც ლოცულობდნენ, მსახურობდნენ, ალაგებდნენ, რესტავრაციას აკეთებდნენ, ქმნიდნენ შესამოსელს, უვლიდნენ წმინდა ნაწილებს“.

როგორც მჟკ იუწყებოდა, უმე-ს კიევ-პეჩერის ლავრიდან აძევებენ.

თუ შეამჩნევთ შეცდომას, აირჩიეთ საჭირო ტექსტი და დააჭირეთ Ctrl+Enter ან გაგზავნეთ შეცდომა, რათა შეატყობინოთ რედაქტორებს.
ასევე წაიკითხეთ